.

Para que falar, se falando
non somos quen
de expresar a túa beleza.

Vivimos no berce do mundo,
na terra mesma,
a máis antiga na que morrer.

Dánae prefería
o bico da chuvia á chuvia de ouro.
Os heroes das lendas da névoa
contruiron o seu berce
na túa beleza.

Por iso calamos.
Tan imposible é de expresar
a túa beleza.
Mesmo aqueles que o intentaron
choraban
de tan imposible que é reducir
tanta beleza

a verbas nun papel.